O nunca visto!!! a crew acudiu em masa (5 pessoas) 2 semáns consecutivas a 2 concertos fora da cidade do lerez, concretamente a um dos bairros periféricos da capital da provincia chamado Vigo; os astros estavam alinhados. O primeiro ao que asistimos foi o de “Ruben Lopez & The Diatones” organiçado por Raphita “Earthquake” & Cia na Iguana o 9 de Avril ( a boas horas fazemos a resenha...). Que dizer do concerto, na linha aguardada dada a experiencia tanto do cantor Ruben como dos seus acompanhantes musicais, ritmos animados e grandes versons que fizerom as delicias dos seguidores dos ritmos quentes jamaiquinos.
O grupo durante o concerto interactuou com o seu público e soubo afrontar as continuas abordagens de UM ESPONTANEO pedindo temas que nim estavam no setlist do concerto, nem sequera no repertorio do grupo... igual aguardaba uma versom improvisada do esperimentado grupo musical mediterraneo.
Como valoraçom final diremos que forom 8 euros bem invertidos e que deberiamos deixar de fazer concertos de Oi! já que a diferença de mulheres entre os dous estilos musicais é desproporcionada.
O 16 de abril com o bom sabor de boca do concerto da semana anterior decidimos disfrutar já de tarde das paisagens banhadas em formigom do bairro olívico, conhezer a súa cultura, ás súas gentes, os seus supermercados compra 12 litronas e paga 1 (queremos mandar um grande abraço á amiga caixeira que observando a nossa precaria situaçom fixenos tan magno desconto) e por último e menos importante dos seus concertos.
A continuaçom adjuntaremos uma imagem que demonstra a prospera actividade cultural que puidemos observar na nossa peregrinaçom.
Chegada a noite arribamos á madrigueira (e nom é só uma forma de falar) dum companheiro da crew, a intençom era ver o Madriz-Barça mentres falabamos de filosofía e tomabamos um té, mais a situaçom descontrolouse. Ao nom facerlhe caso ao partido e rematar os tés que vinham em botelha de litro, decidimos ver a segunda parte com gente do nosso mesmo vagagem cultural e profunda sensibilidade.
Saímos da cova en exploración da flora e fauna nocturna viguesa, auténticos Robinson Crusó. Nom tardamos em toparnos com uma das especies autóctonas máis relevantes, o Manatí de Secano do Vitrasa, um dos nossos aguerridos membros nom dubidou en achegarse e tratar de entablar comunicaçom mais que por vontade propria pelo efeito das bebidas espirituosas consumidas.
Como ainda faltava media parte do jogo por excelencia na Grande Espanha decidimos uma vez situados no epicentro da movida Binguesa (Santo ladrón do Bingo) achegarnos até um bar de confiança anteriormente situado na nossa amada cidade de Ponte Vedra. Alí o de aguardar, moita gente, grandes pintas de cerveja de importaçom e pouco caso ao “evento do ano” que segundo soubemos ao dia seguinte deixou a proprios e estranos com um mal sabor de boca.
Do concerto contaremos pouca cousa, já que como todos os nossos lectores sabem a música é uma nimiedade em todas as nossas entradas. Skarmento grupo local em cidade estrana segue demonstrando que como no colegio “ProgreSSa ADECUADAMENTE” na contra do que é habitual na maioría dos grupos estes avançam em franca progressom ascendente. O que escreve neste momento, pouco lembra do repertorio, só atino a asegurar que a cançom de “Tempos Duros” a romanticada por antonomasia que chegou a todos os nossos coraçons uma vez mais ficou fora...
No referente ao grupo Tarraconense Gundown (que comparte un membro com VonDänikens, nem por informarnos mais...) dizer que cumprirom todas as nossas nulas expectativas . Grande espectáculo, tocarom todas as cançons que sabiamos e polo tanto pontoamolos coa máxima nota, potencia e raiba ao ritmo de “Broken Earphones”, “Generation” e “Trashtown Fists” entre outras.
Ao rematar o acto musical o cantaor do grupo polaco prometeunos umha entrevista que publicaremos em breves, mais depois da resenha que fizemos do concerto já quase que a descartamos.
Do resto da noite só guardamos vagos recordos, hinchaçom testicular e pequenos flashes que demonstram a nossa falha de pudor.
sodes uns persoaxes
ResponderExcluir